Nunarput sinnerlugu assammik arsartartut ajugaaniutivinnissamut anngunniullutik Argentinamut unnugu nalunaaqutaq qulingiluanut unammissapput.
Nunatta assammik asartartuisa siuttuat, Hans Peter Motzfeldt Kyed, oqarpoq, minnerpaamik normu 3-nngorunik, nunarsuarmi assammik arsarluni pissartanngorniunnissamut nunarput anngutissasoq.
- Argentinamut unamminissatsinni takoqqaarusupparput malinnaaffigisinnaanerlugit, taamaassappallu ajugaaniarsarisinnaavugut, apeqqutaassaarlu sungiusaasoq qanoq aalajangernersoq. Aamma aalajangerneqarsinnaavoq nukinnik sipaassasugut, USA-mullu aqagu unammissagutta, taavalu ajugaaffigalutigik, nunarsuarmi pissartanngiuttoqarnissaanut anngussinnaalluta, Hans Peter Motzfeldt Kyed, nunarput sinnerlugu siuttuulluni assammik arsartartoq taama oqarpoq.
Ajugaaniutivinnissamut unnugu anngunniuttussat aappaat tassaassapput Brasilia USA-lu.