Kalaallit Esbjerg-imi TB-mit eqqugaasut
Aviisimi Jydske Vestkystenimi tamanna allaaserineqarpoq, Sakialluttut Esbjergimi Nakorsiartarfiannit Peqqinnissamillu Nakkutilliisoqarfimmit allagaatinik takussutissanik aviisi pissarsereersorlu.
Aviisimi Jydske Vestkystenimi allaaserineqartut naapertorlugit sakialluttut tassaanerupput kalaallit.
Sakialluttut 21-upput, taakkunannga kalaallit 18-iullutik, qallunaat marluk tyrkiamiorlu ataaseq.
Sakialluutilinnit ataaseq katsorsartikkaluarluni toqusimavoq, arfineq-pingasut suli tuberkuloseqarlutik.
Sakialluutip tunillaassuunnera pillugu peqqinnissaqarfik mianersoqqusereerpoq, aviisillu Jydske Vestkystenip e-mailisiaani atuarneqarsinnaavoq, inissiani naqqup-iluani eqqiluinngippallaarneq sakiallulersimanermut pissutaasoq.
Napparsimmavimmiit Peqqinnissamut Nakkutilliisoqarfimmut saaffiginninnermi erserpoq, kommunep attavigineqarnissaa kaammattuutigineqartoq, inissiani pineqartuni naqqup-iluani uffarfiit sukumiisumik eqqiartariaqarmata.