Kalaallit eqqumiitsuliortut
Christiansborgimi Kalaallit Nunaata inianik taaneqartartup taaguutaa ilumoorunneqarnialerpoq, eqquumiitsuliortup Aka Høeghip eqqumiitsuliai pinnersaasiunniarneqalermata.
Aka Høeghip qalipagai arfineq-marluk, Christiansborgip saqqummersitsisarfiani nvinngarneqareersimapput, qalipakkallu taakku Boliviamut qanittukkut angalasimaneranit isumassarsiaallutik.
Eqqumiitsulianik saqqummersitsisarfik aalajangersimasunik 30-nik ilaasortaqarpoq, maannakkullu eqqumiitsuliortut qulit qaaqquneqarneranni, Aka Høegh ilaavoq, tamannalu naleqarluinnartutut eqqumiitsuliortup nalilerpaa:
- Eqqumiitsuliortut allat ilagalugit isumassarsinartarpoq, eqqumiitsuliortunummi Kalaallinut naleqqiullugit allaanerusarmata taamaammat maanga aggersarneqarsimanera nuannaarutigeqaara. Aamma eqqumiitsuliortut taakkua isummersortarneri ammanerujussuarmik pisarpoq. Taamaammat maanga aggersimanera uannut pingaaruteqarpoq. eqqumiitsuliortoqatikkalu assigiinngitsut taamatut najortarnerini imminut immersoqatigiittarneq pilersarpoq. Kisimiippallaaleraannimi aamma nutaanik immersorneqarsinnaaneq killeqalertarpoq, aamma allat eqqumiitsuliaasa takunissaat nuannertaqaaq, Aka Høegh naggasiivoq.
