Kalaallit eqqumiitsuliaat Hobromi saqqummersinneqartut
Januaarip aqqarnganiit februaarip tungaanut kalaallit arfinillit Hobromi Kunstetagernemi saqqummersissapput. Taakkua tamarmik Nuummi Eqqumiitsuliornermut ilinniarfimmi ilinniarnikuupput tassanilu ningiu Arnannguaq Høegh eqqumiitsuliortut toqqarneqarnissaannut suleqataasimavoq.
Isak Brandt, Kristine Spore Kreutzmann, Lise Kreutzmann, Parma Olsvig Brandt, Poul Møller kiisalu Lisbeth Karline Kunstetagernemi immiorfikumi eqqumiitsuliatik kusanartut saqqummersissavaat. Ukiut qulit matuma siorna immiorfik saqqummersitsisarfittut sisamanik qaleriittut allanngortiterneqarpoq.
Kalaallit saqqummersitsisut tamarm ik kalaallit ileqqutoqaat naapertorlugit eqqumiitsuliat sungiusimavaat, nutaaliornissartilli piginnaaneqarfigalugu. Eqqumiitsuliat sannaat sammisallu peqataasunit unammillernartinneqarput.