Kalaallit Egyptenimut VM-eqarnissamut anngupput
Taamaalillutik angutit assammik nunanut allanut unammisartui VM-imut Egyptenimi aasaru aggustip samaaniit 18-ata tungaanut ingerlanneqartussamut anngupput.
Unamminermi Aqqaluk Sørensen isertitsinerpaalluni aqqaneq marlunnik isertitaqarpoq.
Kalaallit angutit nunanut allanut unammisartuisa ippassarli Uruguay-imut 33-28-mik ajugaanermikkut VM-imut peqataanissaq qulakkiipajaareerpaat. .
Ippassaq Mexico Brasiliamut ajorsarmat Chile-lu Argentinamut ajorsamat Kalaallit taamaalillutik nr. 3-nngorput.
Amerikap nunavittaani pissartanngorniunnerit Argentinami Buenos Aires-imi ingerlanneqarput. Unamminermi tallimaasuni Kalaallit pingasoriarlutik ajugaapput. Angutit assammik arsarlutik nunanut allanut unammisartut sapaatip akunnerata tulliani angerlassapput, marlunngorpallu Danmarkimullu tikeriarlutik sisamanngornermi 23. april nunatsinnut angerlarlutik apuutissapput.
