Kalaallit Det Kgl. teaterimi isiginnaartitsinialerput
Københavnimi tusarnaartitsisarfissuarmi Operahusimi oktobarip 14-aniit 17-ata tungaanut kalaallit isiginnaartitsisartut isiginnaartitsissapput.
Qitilluni isiginnaagassiaq "Polaroid"-imik taagutilik Operahusip isiginnaartitsiviani mikinermi Takkelloftemi isiginnaartitsissutigineqassaaq.
Nunani avannarlerni piorsarsimassutsikkut attaveqaatip NAPA-p Det Kgl. Teaterillu suleqatigiinneratigut isiginnaagassiaq tappavani nunanilu allani isiginnaartitsisutigineqassaaq.
Isiginnaariartussammi qanoq katersorneqassappat?
Det Kgl. Teaterip pisortaata Michael Christiansenip tamanna ima eqqarsaasersutigisimavaa:
- Danskit isiginnaagassiaat isiginnaartitseriaasiallu maani Københavnimi nuannarineqarluartaraluartut kalaallit isiginnartitseriaasiannik soqutiginnittut ikittuinnaapput. Taamaattumik kalaallit oktobarimi maanga isiginnaartitsiartornissaat sioqqullugu kalaallit illuutaanut saaffiginnilersaarpugut kalaallit peqatigiiffii soqutiginnissinnaasut tamaasa aggersarniassagatigit, Michael Christiansen oqarpoq.
Kalaallit kulturiata isiginnaartitsissutigineqarnissaa NAPA-mi pisortap Anders Berndtssonip qilanaaraa.
- Siullerpaarpaamik kalaallit det kgl. Teaterimi ulluni sisamani isiginnaartitsinialerput. Isiginnaagassiap takutinnissaanut qilanaarpunga isumaqarpungalu isiginnaariartussat pissarsilluassasut, Anders Berndtsson naggasiivoq.
