Kalaallit danskillu naalakkersuisuuneri ataatsimeeqatigiipput

Naalakkersuisut siulitaasuata Hans Enoksen-ip ippassaq Danmark-imi ministeriunermik Anders Fogh Rasmussen-imik ataatsimeeqateqarnermini eqqartugaasaa ilagaat Arfanniarneq pillugu ataatsimiititaliarsuup IWC-p ataatsimiinnissaa sioqqullugu Kalalallit nunaata kissaataanik Danmark-ip tapersersuinera.

Arfanniartarneq eqqartorneqartillugu Danmark-imi aalassassimaarneqartaraluartoq, danskit naalakersuisui kalaallit kissaataannik tapersersuilluinnarput. Kissaatinut ilaavoq arfattassat amerlineqarnissaat. Ministeriunerullu kissaatigineqartut qulakkeerumavai, nungusaataanngitsumik arfanniartoqassappat.

Naalakkersuisut siulittaasuisa ataatsimiinnerminni oqaluuserisaasa ilagaat, EU-imi inatsisartut puisut amiinik eqqussueqqussinnginnissamik kajumissaarutaat – taamatullu Namminersorneq pillugu isumalioqatigiissitat isumaliutissiissusiaat qanittumi saqqummiuneqartussaq.

Hans Enoksen-ittaaq Anders Fogh Rasmussen oqaluttuuppaa naalakkersuisut nunatta namminerisaminik aningaasaqalernissaata inatsisiliuuneqarnissaata piaartumik aalajangiunneqarnissaa. Nunatta namminerisaminik aningaasaqalernissaata inatsisiliuunneqarnissaa pillugu folketingip nunatsinnut ataatsimiititaliaata inatsisartuni oqaluuserineqqaqqinissaa ippassaq aalajangiuppat.