Kalaallit Danmarkimiittut oqaluffiliornissamut katersisut

Kalaallit Sjællandip kujataani najugaqartut Alluitsup Paaniillu kingoqqisuusut, Alluitsup Paani oqaluffiliornissamut atugassanik aningaasanik katersuinialersut, aviisi ussassaarutinik imaqartartoq Faxebugten taama allaaserisaqarpoq.
maajip 21-at 2008 07:45

Alluitsup Paani oqaluffik ukiutoqqami ikuallappoq. Oqaluffik 1926-imi sananeqartoq nunguilluni ikuallalluni.

Sisamangorpat unnukkut arfineq marlunut katersuiniarluni aaqqissuussineq Haslevip eqqaani Dalbymi, atuarfiup Bauneskolep katerisimaartarfiani ingerlanneqassaaq. Ernarsoqatigiit MIK aliikkusersuissapput, isernermilu akiliutigineqartut 50 koruunit, Alluitsup Paani oqaluffiliornissamut atorneqassapput.