Kalaallit Danmarkimiittut aningaasaliiffigineqarput
Kalaallit Danmarkimi najugaqartut inuunniarnikkullu ajornartorsiortut, atortittartut angutillu ajornartorsiortut kiisalu meeqqat 15-it inorlugit ukiullit pinerlunniartarnerannut akiuiniarnermut pinaveersaartitsinermullu Danmarkimi naalakkersuisut isumaqatigiinniareerlutik, katillugit 450 million koruuninik aningaasaliipput.
Danmarkimi isumaginninnermut ministereqarfik ilisimatitsivoq kalaallit Københavnimi eqqaanilu inuuniarnikkut ajornartorsiortut ulloq unnuarlu ornittagassaannut ukiuni sisamani tulliuttuni ukiumut 2 million koruuninik aningaasaliisoqartoq.
Foreningen Grønlandske Børn 700.000 koruuninik aamma tunineqarpoq kiisalu kalaallit illui ukiuni tulliuttuni sisamani katillugit 3 million koruuninik atugassinneqartut, Kalaallit Illuanni Løvstrædimiittumi pisortaq Inger Bruun ilisimatitsivoq.
12,5 million koruunit Københavnimi angutit qimarngusarfiannut atugassanngortinneqarput.