Kalaallit Danmarkimiittut akornanni tuberkulose atugaaleraluttuinnartoq

Danmarkimi tuberkulosemik tunillatsissimasut katillugit 388-it 2012-imi nalunaarutigineqarsimapput, taakkunannga 130-t danskiullutik sinnerilu 258-it nunasisuullutik taakkununngalu kinguaajullutik, Statens Serum Institut taama paasissutissiivoq.

Tunillatsissimasut amerlassusaat ukiuni tallimani kingullerni agguaqatigiissitsinermut naleqqiullugit qaffariaateqarsimavoq.

Tuberkulosemik tunillatsissimasut nunasisut kinguaavisalu akornanni, pingaartumik kalaallit akornanni, amerleriarsimapput, danskillu tunillatsissimasut amerlassusaat nikissimanatik.

Kalaallit TB-mik tunillatsissimasut 76-it nalunaarutigineqarsimapput, tallimaagaangata ikinnerpaamik ataaseq siornatigut TB-mik tunillatsereersimasuullusarluni.

Kalaallit Danmarkimiittut taamaasillutik danskiunngitsut akornanni TB-mik eqqugaanerpaapput, kalaallillu Danmarkimiittut procentip affaata missaat TB-mik tunillatsissimallutik, tamannalu Kalaallit Nunaanni tunillatsissimasunut naleqqiullugu 3-4-riaammik qaffasinerusoq, Statens Serum Institut paasissutissiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat