Danmarkimi kalaallit pingasut nunasisunik ilangutsitsinissamut siunnersuisoqatigiinni ilaasortassanik qinersinissamut qinigassanngortipput, qinigassanngortittunut ilaalluni Danmarkimi kommuninut kingullermik qinersinermi sassarsimasoq, Socialistisk Folkepartiimeersoq, Nikoline Ziemer.
Danmarkimi nunasisunut siunnersuisoqatigiiffik 15-inik ilaasortaqartarpoq, tassanilu massakkut ilaasortassanik nutaanik qinersinissamut kalaallinik siullerpaamik qinigassanngortittoqarpoq.
Kalaallit nunasisutut allatut inuiaqatigiinnut ilanngutsikkiartuaartinneqartarnissaat pillugu Danmarkimi isummertarnerit assigiinngillat.
Nikoline Ziemerip qinigassanngortittup immikkut angorusuppaa, Københavnip kommuneata kalaallinut nunasisunut sullissinerminik pitsanngorsaanissaa.