Kalaallit Danmarkimi qaqutigut imminut toquttarput

Imminut toquttarneq nunatsinni atugaasoq, kalaallit Danmarkimiittut imminut toquttarnerat qaqutigoorpoq. Tamanna Kalaallit Illuutaata kalaallillu palasiata maluginiarpaat. – Kalaallit akornanni maani toqusoqartarnera soorunami atuuppoq, qaqutigorluinnarli imminut toquttoqartarpoq, Michael Fleischer, inunnik isumaginnittutut ukiuni arfinilinni sulisuusoq oqarpoq.

Ukiut arfinillit sulininni imminut toquttumik ataasiarlungaluunniit naammattuuinngilanga, tamannalu sulinitsinni ajunngitsortat ilagilluinnarpaat, Michael Fleischer oqarpoq.

Kalaallit palasiat Danmarkimi ukiuni arfineq marlunni sulereerpoq.

-Imminut toqussimasunik qaqutigorsuaq naammattuuisarpunga, marluk sulinerma nalaani - tassa ukiut arfineq marluk ingerlaneranni - marluk naammattoorpakka, palasi Jens-Kristian Kleist oqarpoq.

Amerlanerujartuinnartut ilisaanerat oqartussanit akilerneqartalersimasoq, angerlasimaffeqanngitsut aviisiata Hus Forbi-p allaaseraa. Pingaartumik utoqqaat illoqarfissuarni kiserliortunngorsimasut ilineqartarnerat oqartussanit akilerneqartartoq Hus Forbi-p allaaseraa.

Kalaallit Nunaanni siorna 2006-imi imminut toqussimasut

54-iusut, Kalaallit Nunaanni Naatsorsueqqissaartarfiup kisitsisaataani takuneqarsinnaavoq. Tassa agguaqatigiissillugu sapaatip akunneranut ataaseq.