Kalaallit Danmarkimi palasissaat sapaatiuppat ivertinneqassaaq
Palasi Oline Berthelsen, 60-inik ukioqarpoq ukiunilu 14-ini Sisimiuni palasiusimalluni. Taanna kalaallit Danmarkimi najugaqartut palasissaattut juunip aallaqqaataani 2014-imi atorfeqalerpoq.
Oline Berthelsenip, Aarhusimit sulisussap, kalaallit Danmarkimut nunasisimasut sullissavai.
AAMMA ATUARUK Palasi kalaaleq, Danmarkimi palasinngornissaminut qilanaarpoq
Juaanna Platou siorna upernaakkut peqquteqavissorluni atorfimmit tunuartariaqarpoq, kingornalu taartissaanik atorfinitsitsiniarnermi pissutsit sakkortuumik isornartorsiorneqarput, Nunatsinnit Danmarkimut nuunnermi pisattat assartornissaannut akiliussisoqarumanngimmat. Oline Berthelsenilli oqaatigaa tamaana aaqqiissuteqarfigineqarsimasoq:
Sulilernissani qilanaaraa
- Danmarkimi ilageeqarnermut ministeriaqarfiup pisattanik assartuineq aammalu angalanera akilissavaa. Ineqarnissamulli tunngatillugu, nammineerluta inissarsiortariaqarpugut. Qujanartumilli Oline Berthelsen uialu inissarsereersimapput, sulilernissanilu qilanaaraa.
AAMMA ATUARUK Kalaallit Danmarkimiittut palasitaarput
- Palasitut suliassat assigiinngitsorpassuupput, kuisitsinermit apersortitsinermut, nalinginnaasumillu Danmarkimi kalaallit naalagiarnermik sullinnissaat. Tamannalu qilanaarisupilussuuara, Danmarkimi ilagiit kalaallit palasissaat, Oline Berthelsen, marsip qaammataani KNR-imut taama oqarpoq.
Palasimik ivertitsineq Aarhusimi Vor Frue Kirke pissaaq, domprovst Poul Henning Bertholin ivertitsisuussalluni, kingornalu Aarhumi Kalaallit Illuutaanni kaffillertorumaarpoq.
