Kalaallit Danmarkimi palasertaavat Aalborgimi tikilluaqquneqassaaq
Kalaallit Danmarkimi palasertaavat Aalborgimi Grønlandstorvimi oqaluffimmi Hans Egedes Kirkemi sapaatiuppat februaarip arfineq-pingajuani nal. 10.00 tikilluaqquneqassaaq.
Allattoq Simon Uldum -
Tassalu Oline Berthelsen, Danmark tamakkerlugu kalaallinut palasiusoq. Najukkami aviisi Vejgaard Avis taama allaaserisaqarpoq.
Aalborgimi naalagiartitsinermi kalaallit erinarsoqatigiivi Hans Egedes Kirkemilu palasit Søren Dalsgaard aamma Annette Kassow peqataassapput.
AAMMA ATUARUK Kalaallit Danmarkimiittut palaseqalerput
Oline Berthelsen Aarhusimi Vor Frue Kirkemi pisortatigoortumik atorfeqarpoq, ukiumoortumillu Hans Egedes Kirkemi naalagiartitsisarpoq Aalborgimilu najugaqartuulluni.
Tamannalu tunngavigalugu, ilagiit sinniisaat aalajangersimapput Hans Egedes Kirkemut tikilluaqquniarlugu.