Kalaallit Danmarkimi najugallit amerlanerujussuusut Danmark Statiskimit nalunaarutigineqarpoq. Atlantikup avannaani suleqatigiit misissuisitsinerat maanna allartittup tamanna takutippaa.
-Misissuisitsinermi aallartitatsinni maanna ersereerpoq kalaallit Danmarkimi najugallit 18.000-it sinneqartut. Ikittuaraannannguit ajornartorsiortuupput, amerlasoorpassuit inuiaqatigiinni inooqataapput suliffeqarlutik taamaalillutillu Danmarkimi inuiaqatigiinni aamma iluaqutaallutik, Lars-Emil Johansen oqarpoq.
- Imaanngilaq danskit kisimik nunatsinnut suliartortartut aamma kalaalerpassuit Danmarkimi suliffeqarput, Johansen oqarpoq.
Misissuineq oqallinnerni iluaqutissatut atorneqassaaq. Maannamut paasissutissanik ilimagisanik imaqartunik oqallittoqaraangat eqqoriaasoqartarpoq.
-Aamma kalaallit ilinniarsimasut amigaatigineqarnerat ilimagisatsinniit annikinnerunera imaassinnaavoq paasigipput - taamaalillutalu aamma namminersulivinnissatsinnut iluaqutaalluarsinnaalluni, Lars-Emil Johansen oqarpoq.
Misissuisitsinerup inernera nunat atlantikup avaaniittut suleqatigiiffiata ataatsimiinnerani nuummi juunip 18-ianiit 22-iata tungaanut ingerlanneqartussami saqqummiunneqassapput.