Inuulluaqqusineq Vejlemi Timersortarfimmi immiunneqarpoq, aaqqissuisuuppullu kalaallit Danmarkimi peqatigiiffiat, INUIT.
Kalaallit Nunatsinniittusi Juullimi pilluaritsi” KNR TV-mi aallakaatinneqassaaq Juullip ulluani, decembarip ulluisa 25-anni.
Kalaallit Nunaannut pilluaqqussut alla, tassa Danmarkip Radioata Kalaallit Nunaannut pilluaqqussutaa, nunarsuatsinni qanganisaanersaasoq, KNR TV-kkut sisamanngornermi decembarip ulluisa 18-ianni aallakaatinneqassaaq.
Tamakkuli tikitsinnagit KNR juullisunnitsunik ullumikkumiit aallakaatitsilissaaq. Nuummi orpik ualeru nalunaaqutaq sisamanut ikinneqarpat toqqaannartumik aallakaatitsisoqarumaarpoq.
Juullimut Nuummi Hans Egede-p Oqaluffianiit tusarnaartitsineq Radio-kkut TV-kkullu sapaatiuppat tulliani decembarip ulluisa arfineq-aappaanni toqqaannartumik aallakaatinneqassaaq. Nigaliliamilu naneruutit ikinneri sapaassuit tamaasa aamma aallakaatinneqartassapput. Meeqqanut ammartakkat Radiokkut ullut tamaasa ullaatungaa nalunaaqutaq qulip qeqqanut aallakaatinneqartassapput, ukioq-manna aaqqissuisuussalluni Kunuk Guldager, Ilulissaniit. Inersimasunut ammartakkat kalaallisut Stephen Heilmannimit qallunaatullu Jens Brøndenimit aaqqissuussaasut, ullaakkut arfineq-marluk qaangerlugit tanneq tallimanut tusarnaarneqarsinnaasassapput.