Kalaallit Danmarkimi najugallit annertunerusumik sullinniarneqalerput
Inuuniarnikkut ajornartorsiortut meeraat Danmarkimi najugallit sulissunniarneqarnerulerput.
Peqatigiiffik Kalaalit Meerartaat, Foreningen Grønlandske Børn - Danmarki tamakkerlugu immikkoortortani tallimani meeqqanut inuusuttunullu kalaallinut sullissisussanik pilersitsiortorpoq.
Immikkoortortaqarfiit tamarmik Esbjergimi, Odense-mi, Århusimi, Ålborgimi kiisalu Københavnimi meeqqap pisariaqartitai malillugit sulissapput.
Isumaginninneq pillugu ministeriaqarfiup aningaasaliineratigut tamanna piviusunngorsinnaasimavoq.
Peqatigiiffik Kalaallit Meerartaat 20 millioni koruuninik tapiissutisivoq, ukiut sisamat ingerlanerini sullissinernut matussusiisussanik.
Immikkoortortani ingerlatsisussat atorfinitsinneqaqqammerput.
- Meeraq aallaavigalugu sulissaagut, inuiaqatigiinnut akulerunnissaanut ikiussavagut, Naja Sørensen, Esbjergimi ingerlatsisunngortoq, Radioavisimut oqarpoq.
