Kalaallit Danmarkimi ilinniagallit immikkoortitaasutut misigisimapput

juunip 06-at 2007 07:35

Kalaallit Danmarkimi ilinniagaqartut, danskinut savalimmiormiunullu ilinniagaqartunut sanilliullutik, immikkoortitaasutut misigipput, taamaammat inunnut assigiinngitsunut qulliunerusunullu allanut saaffiginnipput. Kalaallimmi ilinniagaqartut angalanermut tapiiffigineqarneq ajorput, kisianni danskit savalimmiormiullu tapiiffigineqartarlutik.Ilinniartunut angalanermut tapiissutaasartoq ukioq kingulleq annikillisinneqarpoq, qimuttuitsuutileqatigiilli, DSB-p, akikillisaataa, Wildcard, atornissaanut ilinniagallit periarfissinneqarput.

Ajornartorsiulli uaniippoq, Wildcard atussagaanni piumasaqaataammat ilinniagaqartutut tapiissutisisarnissaq, tassa SU-mik taagorneqartoq, kalaallillu ilinniagaqartut SU-mik pisartagaqanngillat.

- Inunnut assigiinngitsunut allanullu qullersanut saaffiginnittaraluarpugut, qisuariaateqartutuarlu tassaavoq Folketingimi Social Demokratit sinnerlugit ilaasortaq, Rasmus Prehn, taama oqarpoq Ivaaq Poulsen, Ilinniagaqartut Kattuffianni “Avalak”-mi siulittaasoq, Parnuna Egede. Folketingimi ilaasortanut Kalaallit Nunaanneersunut kalaallit Danmarkimi ilinniagaqartut Kattuffiat toqqaannartumik maanna saaffiginnissuteqarniarpoq.