Kalaallit AWG-mi angusaqarluarput
Issittormiut ukiuunerani unammiuaarnerat Arctic Winther Games Alaskami Kenaimi ingerlanneqartoq ippassaq naggataarneqarpoq.
Issittumi nunat nunallu immikkoortui katillutik qulingiluat unammersuarnernut peqataatitaqarput. Kalaallit angusaqarluarput katillugit 48-inik medaljennallutik. Medaljet agguataarneri imaapput; guultit 20-it sølvit 17-it bronzellu aqqanillit.
Sulorartartut bordtennissertartut Inuillu pinnguaataannik unammisartut guultinnallutillu sølvinnapput. Snowboartertartut arnallu inuusuttuaqqat volleyballtertartut sølvimik pissarsipput.
Sisorartartut bordtennissertartut isikkamik arsartartut sisoraatinik arpattartut inuillu pinnguaataannik timersortartut aamma bronzennatoqarput.
Timersortartut ajunngilluinnartut misigisaqarluarsimallutillu ullumi angerlamut aallartussaasut unammiartunik aqutsisoq Claus Nielsen unnersiorpoq.
Issittormi nunat nunallu immikkoortui katillutik qulingiluat unammiuaarneranni guultinnannerpaapput Alaskamiut, katillugit 80-inik guultinnassimallutik, tulliupput Albertamiut 42-nik guultinnassimasut pingajuupput Canadami North West Teritoriermiut 28-inik guultinnassimasut.
Issittumi nunallit tullianik unammiuaarnissaat Canadami Yellow Knifemi aappaaguagu 2008-imi
pissaaq.