Kalaallit atuartut nalorninartorsiorunnaar- tussanngorpasipput

Kalaallit ilinniartut efterskoliniittut nalorninartorsiornerat maanna qaangiuttutut isikkoqarpoq. Ilinniartitaanermut Naalakkersuisoqarfimmi nakkutilliisoq Kaali Olsen taama neriuppoq.

- Maannakkut saaffiginikuuarput Undervisningsministeriet Danmarkimi. Taakkua imatut isumaqatigissuteqarfigaagut kalaallit efterskolertut pulaartakkaminnut inissinneqarsinnaanngikkunik taava Efterskoleforening saaffigissavaat, taava utaqqiisaasumikefterskolemik ammasumut nuunneqarsinnaassapput kalaallit efterskolertut.

Kaali Olsen aamma neriuppoq efterskole-mi atuarfiugallartumi misilitsittoqarlunilu soraarummeertoqarsinnaasasoq, ilinniartitsisut suliartoqqusaajunnaarnerat sivitsortuussagaluarpat.

- Taakkua misilittiffissat neqeroorrutigineqartut efterskoleip pigippagit taava naatsorsuutigisinnaavaa misilitsinnerit ingerlassinnaassallugit.

Naalakkersuisoqarfimmi aamma neriuutigineqarpoq efterskole-ugallartumik aaqqiinerup kingunerissagaa kalaallit ilinniartut angerlartinneqannginnissaat.

- Neriuppugut taanna pisariaqassanngitsoq kisianni takulaarallartigu qanoq matussineq sivisutigisumik Danmarkimi ingerlassanersoq. Neriuppugut aaqqiissutissanik atuartunut tamanut nassaarumaarluta.