Kalaallit Atuakkiortut atuakkialerinermik unnussiualaartitsilersut
Kalaallit Atuakkiortut atuakkialerineq pillugu novembarip qulingani tallimanngornermi unnukkut nal. 19.00-nit 21.00-t tungaanut unnussiortitsissapput. Atuakkiortullu pingasut apeqquteqarfigineqarsinnaassallutik.
Atuakkiortut Nukaaka Berthelsen, Juaanna Platou aamma Niviaq Korneliussen unnussiuaarnissami peqataassapput.
Unnussioqatigiinnissarlu Katuap inersuaaraani ingerlanneqassaaq, Kalaallit Atuakkiortut, siulittaasuat, Juaaka Lyberth taama allappoq.