Kalaallit atuakkiaat USA-mi ilisimaneqarnerulissapput

USA-mi Canadamilu ilisimatusarfiit arfinillit atuakkanik saqqummersitsisarfiat University Press of New England siuttoralugu kalaallit atuakkiaasa ilisimaneqarnerulernissaat sulissutigineqalerpoq.

Aqqaluk Lyngep atuakkiaa kalaallisut tuluttullu naqitaq taallanik imalik qulequtaqartorlu nunasiaanermiit piffinnut nutaanut - ilisimatusarfiit naqiterisitsisarfiata kiisalu amerikamiut canadamiullu naqiterisitsisarfiutaata IPI Pressip suleqatigiillutik siorna majimi saqqummersitaat tunisaalluarmat naqiterisitsisarfiit suleqatigiinnertik ingerlatiinnarlugu kalaallit atuakkiaat amerlanerit saqqummersittarniarlugit aalajangerput. Pilersaarusiarineqartut naapertorlugit Hans Egedep, Knud Rasmussenillu nalaani piviusulikkersaarutit kiisalu ukiuni nutaanerusuni atuakkiat 20-t saqqummersinneqassapput, atuakkiortoq Aqqaluk Lynge aaqqissusisoralugu. Naqiterisitsisarfimmik IPI Pressimik piginnittoq Peter Mittenthal radioavisimut oqarpoq amerika avannarlermiut silap allanngoriartornera eqqartorneqaraangat nuna aatsaat tusartagartik anginerusumik ilisarisimalerusukkaat minnerunngitsumillu inuiaat kalaallit nunaallu alutornartorsuaq ilikkarnerorusukkaat.

Naqiterisitsisarfiit University Press of New England aamma IPI Press kalaallit pillugit atuakkianik nunarsuup sinneranut tuniniaasuussapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat