Kalaallit assammik arsaattartui VM-imut peqataasalissapput
Taamatut isumalluarpaluttumik oqarpoq, Kalaallit Nunaanni assammik arsaattartut kattuffianni siulittaasoq Boas Møller.
Danskit angutitaasa nunanut allanut unammisartui nunarsuaq tamakkerlugu pissartanngorniunneranni, Sverige-mi unammineranni Boas Møller isiginnaartunut ilaavoq, takusani aallaavigalugit oqarpoq, Kalaallit nunanut allanut unammisartui sungisarluarunik uanmminernilu peqataasariarunik nunarsuarmi tamarmi pissartanngorniunnernut peqaataasalernissaat qularnanngitsoq Boas Møllerip oqaatiga.
Boas Møller oqaloqatigaarput assammik arsaalluni VM-imi pissartanngorniunneq naammasseqammersorlu. Sverige-mi unamminermi malinnaanermini Kalaallit assammik arsaattartuisa siunissami nunarsuaq tamakkerlugu unamminerni peqataasalernissaanut pan amerikanske-ni pissartanngorniunnerni sukataartariaqassasut oqaatigaa.
Kalaallit angutitaasa assammik arsaartartui pingasoriarlutik nunarsuarmi pissartanngorniunnerinut peqataanikuupput. tasssalu 2001-imi 2003-imi 2007-imilu. angusarinerpaagamik 2001-imi normu 20inngorput.
Ullumi unamminermi pissangartumi danmark Frankrig-imut unammigami ajorsarpoq.
Unammineq nalinginnaasumik ingerlanneqarmat, Frankrig Danmark-ilu tamarmik 31inik isertitaqarput. Unammineq minutsinik tallimanik sivitsorneqarmat Frankrig nunarsuarmi assammik arsaannermi pikkorinnersaanini takutippaa, unammineq naammassimmat Frankrig 37-inik isertitaqarpoq Danmark 35inik isertitaqarluni sølvinnattoq.
