Kalaallit arsaattartut pilersinneqalerput

Ukiuni qulikkaani pingasuni Avalak-Aalborgip ataani arsaqatigiittut ingerlareerlutik, Danmarkimi timersoqatigiiffittut allatuulli pineqarusullutik, kalaallit arsartartoqatigiit pilersinnialerpaat.

Arsaattartoqatigiit FC Nanoq Københavnimiit kiisalu Nanoq FC. Aarhusimeersut assigalugit qallunaat nunaanni kalaallit arsaattartoqatigiit Jakip Football Team (uannga naalisagaq: Jyllandip Avannaani Kalaallit Ilinniartut Peqatigiiffiat), Aalborgimi angerlarsimaffillit pingasunngorpat februarip aallaqqaataani pilersinniarneqalerpoq.

Ukiuni arlaqalersuni kalaallit Aalborgimi angerlarsimaffillit timersoqatigiiffinnut ilaasortaaffeqaratik imminnut arsaqatigiittarsimapput, ukiunili kingullerni kalaallit nunaanniit ilinniariartut amerliartornerat, kiisalu kalaallit qangali nunasisimasut kinguaavisa amerliartornerat ilutigalugit arsaannermik inissisimaffimmik qaffasinnerusumik inissisimaneq angorusunneqalersimavoq.

-Ukiuni kingullerni ilinniartutut ilaasortanngortartut amerlisimapput, ukiut pingasut matuma siorna ilaasortat 60-t missaaniittarsimariarlutik, maanna ilaasortat 100-t missaaniilernikuupput, Erno Petersen suliniummi suleqataasoq oqarpoq.

Peqatigiiffiup aallartisarneqarniarneranut tunngaviit arlaqarput, ilaatigut peqatigiiffiit assigalugit pisinnaatitaaffeqanngillat, Avalak-Aalborgip ataani inissisimaneq peqqutigalugu, timersortarfimmik arsaqatigiinnissamut neqeroorfigineqarsinnaanngillat Aalborg Kommunianit peqatigiiffittut akuerisaasimannginneq tunngavigalugu.

Aningaasanik taperneqarsinnaasimanngillat, soqutigisaqaqatigiittut ingerlatillutik, kiisalu DBU-p (Dansk Boldspil Union) nuna tamakkerlugu unammiuaartitsinerannut peqataasinnaanatik, tamakkuli timersoqatigiiffittut pilersitsinikkut aaqqiivigineqarsinnaalissasut ernop erseqqissaatigaa.

Erno Petersenip naatsorsuutigaa timersoqatigiiffik nutaaq pilersinneqariarpat qallunaat nunaanni serieat arfernganni arsartalernissaq aallartinneqarsinnaanngussasoq, aammalu Kalaallit Tivoleqarnerata nalaani, tassa augustimi pisartumi, maannamullu timersoqatigiiffiit marluk unammisarneranni, tassalu FC. Nanoq aamma Nanoq FC. pissartanngorniuttaarneranni holdit pingajuattut peqataasinnaalissasut.

Taamaasilluni iligiiaat marluinnaat pissartanngorniuttarunnaarlutik, iligiiaat pingasut siunissami unammisalissapput.

Kalaallit 1300-t missaat Aalborgimi ullumikkut najugaqarput. JAKIP Football TEAMimi ullumikkut 30-t missaannik arsatartoqarpoq, 20-t 30-illu missaanik tapersersorteqarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat