KAK-mi siulersuisut nutaat inissititermata Lisa Lind Jensen Nuuminngaaneersoq siulittaasup tulliatut qinigaavoq. siulersuisunilu ilaasortanngorput.Assi: KAK

Kalaallit Arsaattartut Kattuffianni siulersuisunik nutaanik toqqaasoqartoq

Kalaallit Arsaattartut Kattuffiat nutaanik siulersuisortaaqqammerpoq.

Ukiuni arlaqartuni siulittaasuusimasoq John Thorsen siulittaasutut tunuarniarluni qaammat kingulleq aalajangerpoq, taannalu siulitaasup tullerisimasaanit Finn Meinelimit taarserneqartussanngorpoq.

KAK-mi siulersuisut nutaat inissititermata Lisa Lind Jensen Nuuminngaaneersoq siulittaasup tulliatut qinigaavoq, siulersuisunilu ilaasortanngorput, Hans Frederik Olsen Sisimiut, Loke Svane Nuuk, Julie Karlsen Upernavik, Benjamin Kielsen Narsaq kiisalu Oluf Olrik Qeqertarsuarmit.

Siulersuisut nutaat suliassaannut ilaapput illup iluani silamilu isikkamik arsaannerit ineriartortinneqarnissaat, KAK taama allapput.

KAK-mi siulittaasuusimasoq John Thorsen kattuffimmi suli attuumassuteqarallassaaq, matumani KAK-mi siulersuisunit unammiuaarnerni ataatsimiititaliami ilaasortassatut innersuunneqarnerata kingorna.

KAK-mi ullut 100-t sinnerlugit ukiumut unammiuaarfiusussat pilersaarusiorneqassaput.

Illup iluani isikkamik arsaalluni tassa futsalimik aamma silami isikkamik arsaalluni pissartanngorniunnerit pilersaarusiorneqassallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat