Kalaallit arpassamaaleqaat

Atletikkertartut kattuffiata arpattartullu peqatigiiffiata NAAPEp inuiaat kalaallit arpaqatiseraat.

Arpannermi piffissaq qanoq annertutigisoq qissimingaarneqarnavianngilaq. Pingaarnersaavoq nuannisaqatigiinneq inuummarissiallannerlu arpareernerup kingorna takkukkukajuttoq.

Inuiaat kalaallit arpanneranni tassa tunaartassaq pingaarneq tamannalu siullerpaamik ingerlanneqassaaq sapaat aggustip 28-iat. Taamatut aaqqissuussinermi isumassarsiffigineqarpoq USA-mi juunip qaammataa ukiut tamaasa ingerlanneqartartoq National Running Day.

- Arpannissami peqataaneq akeqanngilaq aammalu qanoq sukkatigisumik arpanneq apeqqutaatinneqarani. Pingaarnersaapput nuannisaqatigiinneq peqqinnartumillu inooriaaseqalernissaq, arpannissamik isumassarsisoq Kim Godtfredsen KNR-imut taama oqarpoq.

Nuummi arpanneq aallartissaq sapaammi ullup qeqqanut aallarfissallu assigiinngitsut sisamaapput. Atuarfik Hans Lynge-miit Nuussuup atuarfianut uterlugulu arpattoqassaaq, allat Nuussuup atuarfianiit Atuarfik Hans Lyngemut uterlugulu arpassapput, allat Kangillinnguit atuarfianniit Atuarfik Hans Lynge-mut uterlugulu arpassapput kiisalu kulturikkut illorsuup Katuap silataaniit Atuarfik Hans Lyngemut uterlugulu arpattoqassaaq.

Maniitsormiut aamma arpatsitsiniarlutik nalunaarput sisorartartut peqatigiiffiat KS-69 aaqqissuisoralugu sapaammi nalunaaqutaq tallimanut arpattoqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat