Kalaallit arnat saanikorigunagaat Islandimi nassaat
Islandimi 1500-kkunni mattuffiusimasumi Skredklosterimi, Islandip kangisissortaaniittumi itsarnsarsiuut assaaneranni saanikut marluk nassaarineqartut arnat kalaallit saanikorissagaat ilimagineqarpoq.
Mattuffik iliveqarfittaqarpoq, saanikullu tassani nassaarineqarput. Mattuffik napparsimaviusimassasoq ilimagineqarpoq, tassami arnat saanikui misissorneranni paasineqarpoq tamarmik napparsimasimasut, timaallu nakorsaatini akoqarsimasut.
Itsarnisarsiooq dr.Steinunn Kristjánsdóttir, assaanermi siuuttuusoq oqarpoq nassaatik taakku tupaallaatiginerpaasimallugit. Kalaaliussangatinnerannut pissutaavoq kigutaasa nungullarsimanerat.
- Kigutaat nungullarsimapput, soorlu kalaallit qanga angulallutik amernik qitulisaasarallarnerattut, Kristjanssdottir oqarpoq.
Arnat kalaaliussagunik tyskit umiarsuaannut niuffagiutinut ilaallutik Islandimut pisimassangatinneqarput, inussiaatitullu niuerutigineqarsimassagunarlutik. aammali arnat arfannianit aallarunneqarsimasinnasut ilisimatuut isumaqarput.
