Arnalli savalimmiormiut meeqqiornerpaapput. Taakku agguaqatigiissillugu 2,3-nik meerartaartarput. Tulliupput kalaallit arnat islandimiullu, taakku agguaqatigiissillugu 2,2-nik meerartaartarput.
Meeqqiornikinnerpaapput qallunaat finlandimiullu, taakku agguaqatigiissillugu 1,8-nik meerartaartarput - Nunani Avannarlerni meeqqiornikinnerpaallutik.
Kalaallit taama meeqqiortiginerat - tassa agguaqatigiissillugit 2,2-nik meerartaartarnerat - Kalaallit Nunaanni inuit amerlassusaannut siunissami iluaqutaassaaq.
Innuttaasummi amerliartussappata, nunami innuttaasut meeqqiortarnerisa 2 qaangersimasussaagaat, Nordisk Statiskisk Årbogimi ukioq manna saqqummersumi oqaluttuarineqarpoq.