Kalaallit arnartaat ujakkaarnermi angusarissaarput

Sisoraatinik ujakkaarluni Danmarkimi pissartanngorniunnerni, ullumi naammassisuni, kalaallit arnat peqataasut angusarissaaqaat, inissammi siulliit pingasut taakku pissarsiaraat.
februaarip 09-at 2008 13:51

Kilometerini 23-ni unamminermi pissartanngorpoq ASP-meersoq, Johanne Mikkelsen. Taassuma atorpai nalunaaquttap akunnera ataaseq minutsit 19-it sekundillu 50-it. Nr. 2-nngorpoq aamma ASP-meersoq, Arnatsiaq Rosing, Arnatsiap atorpai nalunaaquttap akunnera ataaseq minutsit 26-t sekundilu ataaseq, nr. 3-nngorporlu Nuummi Ujakkaartartut Peqatigiiffianneersoq, Niviaq Chemnitz Berthelsen, Niviap atorpai nalunaaquttap akunnera ataaseq minutsit 32-t sekundillu 30-t.

Angutini pissartanngorpoq danskeq, Københavnimi Sisorartartut Kattuffianneersoq, Jonas Olsen, Jonas Olsen pingajussaa Danmarksmesterinngorpoq. Taassuma atorpai nalunaaquttap akunnera ataaseq minutsit 48-t sekundillu 37-t. Malisungaanngarlugu apuuppoq Aasianneersoq Martin Møller, nalunaaquttap akunnera ataaseq minutsit 49-t sekundillu 38-it Martip atorpai.

Ujakkaarluni pissartanngorniunnerit Norgemi Kvitåvatnimi ingerlanneqarput, peqataasullu 93-iullutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq