Kalaallit arnartaat kuultinnapput
Sisoraatinik arpalluni Danmarkimi pissartanngorniunnerit Norgemi Kvitåvatnimi uani sapaatip akunnerani ingerlanneqarput, ullumikkullu 10 kilomerimut fri teknikkertoqarmat Kalaallit Nunaanneersoq ajugaavoq.
marsip 17-at 2009 17:02
Lone Pless Aasianni ASP-meersoq kuultinnappoq, danskimit sisorartartumit siulliulluni apuukkami, nr. 3-nngorporlu Nadia Olsen Ilulissani ISP-meersoq.
Tassa 10 kilomerimut ullumi arpaliuttoqarmat kalaallit arnat kuultinnallutillu bronzinnapput.
5 kilometerimut sapaatiummat klassiskertoqarlunilu aamma 5 kilomerimut fri teknikkertoqarmat Uiloq Slettemark kuultinnappoq.
Angutini 15 kilomerimut ullumi fri teknikkertoqarpoq. Kalaallit Nunaalli tassani taamaallaat bronzinnappoq.
Aqqaluartaa Olsen Sisimiuni SSP-meersoq nr. 3-nngorpoq, danskimit ajugaasumit, Lasse Mølgaardimit, minutsip aappaa avillugu arriinnerulluni.
