Kalaallit arnartaasa iviangimikkut kræfteqartut misissuiffigineqarnerat ilisimatuunit isumalluarfigineqarpoq

- Kalaallit Nunaanni iviangimikkut kræfteqalersarneq 60ikkut qiteqqunerat tikillugu ilisimaneqanngilaq nappaatigineqartarneranillu ilisimaneqarani, aatsaat kitaamiut inooriaasiat atorneqalermat iviangikkut kræfte nappaatigineqalerpoq, Eva Bonefeld-Jørgensen Aarhus Universitet-imeersoq oqarpoq, Eva kalaallit arnartaasa iviangimikkut kræfteqalersarnerat pillugu ilisimatuussutsikkut misissuivoq.

Arnat iviangimikkut kræfteqartut misissuiffigineqarneranni paasineqarpoq, arnat taakkua  akuutissamik PFC-imik taaguuteqartumik nassaarfigineqarsimasut, taakkualu annertusimasut. PFC tassaavoq akuutissaq massannaveeqqutitut atorneqartartoq, soorlu sialussiutit, gummit,  iffiornermi pappiliartassat, pizzallu ilitsiviisa sananeqarneranni atorneqartartoq.

Akuutissaq PFC akuutissamik ulorianartumik PCB-imik ilaartorneqartillugu timip sananeqaataasa nalimmassarneqarnerat akornuserneqartarpoq tamatumalu kingunerissaanik iviangikkut kræfteqalernissamut qaninnerulluni, ilisimatooq Eva Bonefeld-Jørgensen oqarpoq.

Akuutissat PFCitaqartut iviangikkut kræfteqalernissamut ulorianaateqarnerat siornatigut uppernarsineqarnikuunngilaq.

Akuutissat taakkua orsumut akulerukkaangammik nungutinneqarneq ajorput, taamaattumilu timimut akuleruttarnissaat naatsorsuutigineqarsimanani, kisianni tassaa misissuinerup takutippaa, kalaallit arnataani akuutissat taakkua timaannut akuleruttartut paasineqarluni.
Danskit arnataasa misissorneqarnerat maanna ilisimartuunit aallartinneqarpoq.

Nioqqutissiat puuisa allagartaat erseqqissarneqassasut Eva Bonefeld-Jørgensen isumaqarpoq, atuisut ulorianartunik akulinnik pisinissaat pinngitsoorneqassammata, ilisimatooq Eva Bonefeld-Jørgensen oqarpoq.