Kalaallit Arctic Winter Gamesertoqarnerani musicalimik aliikkusersuissapput

Alaskami Fairbanksimi Arctic Winter Gamesertoqarnerani kalaallit kulturikkut aliikkuersuinissaannut akisussaasuusup, Pipaluk Kreutzmann Jørgensenip, nunatsinnit tamarmit qinnuteqartunit 52-iusunit nivissat arfinillit toqqarsimavai.

Inuusuttut taakku suleqatiginissaannut qilanaaqaanga, aamma uannut unamminartupilussuussussaammat, Pipaluk Kreutzmann Jørgensen oqarpoq nangillunilu.

- Suliassaq nuannerunarluinnartuuvoq, aamma Nunatsinni musicaleqartariaqalersoraara. Inuusuttut piukkunnaatillit isiginnaartitsisarfiup qaavaniittut takunissaat qilanaarnarluinnarpoq, Pipaluk Kreutzmann Jørgensen qilanaaqisoq oqarpoq.

Alaskami Fairbanksimi Arctic Winter Gamesertoqarnerani kalaallit aliikkusersuinissaat NAPA-mit akisussaaffigineqarpoq, NAPA-lu timersornermik aaqqissuussamut tassunga kalaallit aliikkusersuinissaannik tallimassaa aqqqissuissuusussaavoq.

Arnat inuusuttut arfinillit musicalimik aliikkusersuisussat tassaapput: Mia Biilmann Larsen, Maliina La Cour Vahl, Linda Kristiansen aamma Maaliannguaq Hermansen, tamarmik Nuuumminngaanneersut, Ululinannguaq Reimer Olsen Nuummeersoq, maannali Odensemi najugaqartoq kiisalu Sandra Jerimiassen Ilulissaneersoq.

Kulturikkut aliikkusersuisussat AWG-mut peqataasussat allat peqatigalugit 2014-imi marsip 15-ianit 22-ianut Fairbanksimiissapput.