Kalaallit angusarissaaqaat

novembarip 06-at 2006 10:56

Illoqarfissuarmi New Yorkimi marathonerluni arpannersuarmi kalaallit peqataasut tamarmik angusarissaarput.

Arnat arfinillit angutillu 17-it Kalaallit Nunaanniit peqataapput, angusarissaarnerpaavoq Kim Godtfredsen, atorpai nalunaaquttap akunneri marluk, minutsit 28-t sekundillu 27-t, taamaalilluni nr. 49-nngorluni. Arnani angusarissaarnerpaavoq Liza T. Heinrich, atorpai nalunaaquttap akunneri pingasut, minutsit aqqaneq-marluk sekundillu arfinillit, arnani nr. 116-ninngorpoq apuuttunilu nr. 1.719-iuvoq.

Marathonernersuarmi ajugaasoq brasiliamiuuvoq, tassaalluni Marilson Gomes dos Santos, nr. 2-nngortumit sekundinik arfineq-pingasunik sukkanerulluni, tassa nalunaaquttap akunneri marluk minutsit qulingiluat sekundillu 58-it Marilson Gomes dos Santosip atorpai. Arnani ajugaavoq Letlandimeersoq Jelena Prokopcuka, taanna ukiut aappassaa ajugaalluni, taassuma atorpai nalunaaquttap akunneri marluk minutsit 25-t sekundillu tallimat.

Aaqqissuisut aamma nalunaarutigereerpaat Kalaallit Nunaat 25-nik aappaagu aamma 2008-mi peqataatitaqassasoq.