Kalaallit angerlarsimaffeqanngitsut amerliartuinnarput

Danmarkimi kalaallit angerlarsimaffeqanngitsut 700-t nalunaarsorsimapput taakku ilaat 300-t Københavnimiillutik. Amerliartormata Kalaallit Nunaanni politikerit qanoq iliuuseqartariaqartut angerlarsimaffeqanngitsunik sullissisoq oqarpoq.

Danmarkimi kalaallit angerlarsimaffeqanngitsut ukiuni kingullerni amerliartorput taamaattumik Kalaallit Nunaanni politikerit qanoq iliuuseqartariaqarput, taama oqarpoq Kalaallit Illuanni Københavnimiittumi atorfilik, Agga Petersen, angerlarsimaffeqanngitsunik sullissisuusoq. Taassuma oqaatigaa Københavnimi kalaallit angerlarsimaffeqanngitsut 300-t missaanniittut, Danmarmilu tamakkerlugu 700-it missaanniillutik.

- Nunatsinninngaanniik soorunalimi aamma Danmarkiminngaanniik eqqartortariaqassavaat. Taamannak tikiinnartartut qanoq iliorsinnaavagut. Periarfissaqannginnamik allatut, immikkoortutut isigineqartariaqaramik, Agga Petersen oqarpoq.

Aamma oqarpoq, ukiuni kingullerni kalaallit Danmarkimut nuuttartut qiimaasunut assersuunneqarsinnaasut.

-Ukiut kingulliit ajornartorsiut alliartornikuuvoq. Tamakku angerlarsimaffeqanngitsut saqqumisorujussuupput. Amerliartorput, suu. Nuuginnavillutik qimaallutilluunniit nuuttut ingerlanerlioreerlutik nunatsinninngaanniit tikittartut, nunani allaninngaanniik qimaallutik tikittartunut assersuussinnaavagut, angerlarsimaffeqanngitsunik sullissisoq Agga Petersen oqarpoq.