Kalaallit amerlanerit aatsitassarsiorfinni

Kalaallit amerlanerusut aatsitassarsiorfinni sulisorineqarnissaat anguniarneqalerpoq. Tamannalu anguniarlugu, aatsitassarsiorneq pillugu ukiut affakkaarlugit paasissutissiilluni ataatsimiinnerit tamanut ammasumik ingerlanneqartalissapput.

- Aatsitassarsiorneq nunatsinni inuussutissarsiutit pingaarnerit ilaattut ilaatinneqarnissaa politikkikkut anguniagaavoq, taamaattumik aatsitassarsiornermut suliniutit inuiaqatigiinnut iluaqutaanerulersinneqarnissaat anguniartuassavarput, taama allappoq, Aatsitassarsiornermut Naalakkersuisoq Jørgen Wæver Johansen.

Anguniakkap tamatuma oqariartuutiginiagaa nutaajuniarunaraluarpoq kisiannili nutaanngitsutoqaavoq qangali ilisimaneqareersoq.

Nutaartaasutulli taaneqarsinnaasutuaq unaaneruvoq, ukiut affakkaarlugit aatsitassarsiorfinnik ataatsimeeqateqartalernissap pisalernissaa, ataatsimiinnerni soqutigisat assigiinngitsut aatsitassarsiornermut tunngassuteqartut ataatsimoorluni oqaluuserineqarlutillu najugarisani ajornartorsiutaasinnaasut iliuuseqarfigineqartarniassammata.

Aatsitassarsiorfiit maannamut iluatsittut tassaapput, Maniitsup eqqaani Niaqunngunami aatsitassarsiorfik Seqinnersuusaq, kiisalu Nanortallip eqqaaniittoq kuultimik piiaavik Nalunaq.

Jørgen Wæver Johansen allakkiamini erseqqissaavoq aggustimi aatsitassat pillugit ataatsimiittoqalerpat peqataassalluni.

Erseqqissaatigineqarportaaq ataatsimiinnermi kikkulluunniit peqataasinnaanerat peqataaniaraannili namminneerlutik angalanermi aningaasartuutissat tamaasa akilertariaqartut erseqqissaatigineqarpoq. Taamatuttaaq suliffeqarfiit aatsitassarsiornermik ingerlatsiviusut ataatsimiinneri sumi qaqugulu pisussaaneri paasissutissiiffigisassagaat oqaatigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat