Kalaallit amerikamiullu atuakkioqatigiittut

Kalaallit Amerikamiullu suleqatigiiffiata Joint Comitttee-p Washington-imi ataatsimiinneranut atatillugu atuakkat tamanut takusassiarineqassallutik.

Atuakkat kalaallisut tuluttullu oqaasertaqassapput. Atuagaq siulleq Aqqaluk Lynge-p taalliaanik imaqarpoq. Aqqaluk Lynge-p ukiuni kingullerni 35-ini atuakkiortuunermini taalliaanik imaqarluni. Atuagarlu eqqumiitsuliortup Aka Høeghip titartagaanik assiliartalersorneqarsimavoq.

Atuakkat saqqummersinneqarnerat Washington-imi nunap inuiisa katersugaasivianni Museum of the American Indian-imi malunnartinneqassaaq.

Aqqaluk Lyngep taalliani kalaallisut tuluttullu atuassavai oqaluttuaralugillu. Isiginnaartitsisartoq Jessie Kleemann aamma qitinnermik takutitsissaaq taallanillu atuaassalluni.

Atuakkat saqqummersinneqartussat atserneqarput, sanilip sanilii. Pisussaq Kalaallit Nunaata Amerikallu akornanni kulturikkut paarlaasseqatigiiffiussaaq siulleq. Atuakkat Peter Mittenthal-imit Marianne Stenbæk-imillu aaqqissorneqarput, amerikamiut atuakkanik saqqummersitsiviannit IPI Press-imit saqqummersinneqassallutik.