Kalaallit allanit timersorluarnerupput

Kalaallit Nunaanni nunanut allanut sanilliullugu timersorluarnerupput. Tamanna Nunarsuarmi nunani assigiinngitsuni 131-ni nalunaarsuinermi takuneqarsinnaavoq.

Kalaallit Nunaat Nunarsuaq tamakkerlugu misissuinermi "the Global Observatory for Physical Activity"-mi siullermeerluni peqataavoq.

Grønlandsmedicinsk Selskabip, Kalaallit Nunaanni peqqissutsimi ilisimatusartut peqatigiiffiata, nalunaarusiaanni nutaami nalunaarutigineqarpoq.

Kalaallit Nunaanni timikkut aallussineq nunanut allanut sanilliullugu nalunaarutigineqarneratut inuit timersorluarnerujussuupput.

Nalunaarusialli aamma takutippaa kalaallit ilai issiaannarlutik piffissamik atuisartut amerliartortut.

Tamanna suliffinni pineqarpoq. Kisianni aamma timimut oqinnerusut siornatigornik sunngiffimmi sammineqartartut, nalunaarusiami erserpoq.

Taamatut misissuinerup siunertaraa, timip atornerata nunarsuarmi paasissutissanik katersuisoqarnissaa. Qanorlu nunat ataasiakkaat inuttaasut timimik atuinerunissaannut qaffassaanissamut iliuuseqartarnesut.

Kisitsist Kalaallit Nunaanneersut, nuna tamakkerlugu peqqissutsimik misissuinermeerput. Taakkulu ukiut sisamakkaarlugit ingerlanneqartarput, naatsorsueqqissaartarfimmiillu kisitsilersorneqartarlutik.

Kalaallit Nunaanni timimik atuineq, inuttaasut peqqinnerulernissaannik sammisanit sisamanit, Inuuneritta II-mik 2013-miit 2019-mut tapiliussaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat