Kalaallit akissaqarnerulersimapput

Amerlanernik aningaasaateqarnerulersimavugut ukiup ataatsip kingulliup iluani, amerlanerit nammineq illussaminnik pisiortorput minnerunngitsumik nunatsinni amerlanerusunik biiliuteqalersimavugut.

Kalaallit amerliartuinnartut suliartorniarlutik namminneq biiliminnik biilertarput. 2000-miit 2004-mut biilit, bussit lastbiilit il.il. allattorneqartut 10 procentingajammik amerleriaateqarput. Nunatsinni ukioq kingulleq biilit allattorneqarsimasut 4.604-sut Akileraartarnermut Pisortaqarfimmi pisortap Anthon Møller-ip nalunaarutigaa.

Biilit allattorneqarsimasut affai Nuummiipput. Grønlandsbankemilu pisortap tamanna tunngavilersorluarsinnaavaa:

- Nuummi illoqarfiit immikkoortortai amerliartorput, soorlu Iimanaq, Qernertunnguit, Pinngortitaleriffiup eqqaa kiisalu Qinngutta pilersiortorneqarnerisa kingorna biilit amerlanerit pisariaqartinneqalerput, taama Grønlandsbankip pisortaa Jesper Flensted oqarpoq.

Nunatsinni illoqarfiit annerusut alliartortinnerisa kingunerisarpaa aningaasarsiornerup pitsanngoriartornera. Tamannalu takuneqarsinnaavoq naatsorsueqqissartarfiup kisitsisaataani, ikinnerusut akiliisinnaajunnarsimasutut allanneqarsimapput suliffissaaleqisullu suliffissarsiuussisarfimmut allatsittartut ikiliartorput.

Grønlandsbankemi aningaasat qanoq amerlatigisut atortissimallutigit takusinnaavagut. Ukiup ataatsip ingerlanerani 33 procentinik aningaasat atortavut amerleriarsimapput. Taakkulu nammineq illutaanernut, sivisuumik atugassanut, soorlu biilinut atorneqartarput. Namminersortullu sanaartugassanut atugassaminnik aningaasanik atorniartarput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat