Amerikap nunavittaani assammik arsarluni pissartanngorniunnermi, VM-imussaaq anngunniuffiusumi, kalaallit ippassaq Chilemut ajorsarput, 26-23-mik. Nikinnermi Chile 14-11-mik siuaqqavoq.
Brasilien ippassaq unammineqartussaagaluarpoq, piffissarli kingulleq atorlugu pilersaarutit allanngortinneqartariaqarsimallutik.
Sungiusaasoq Søren Hildebrand ajorsaqqikkamik ugguarpoq. Kalaallit timi atorlugu akiuunissamut, saassussinermilu isertitseriarnermut sanngiiffeqartut oqaatigaa, unamminernullu sungiusarneq amigaataasoq aamma oqaatigalugu.