Kalaallit ajornartorsiuteqartut pillugit suliniutit kommuninit akilerneqartalissapput
Aningaasat 6,7 millionit koruunit isumagininnermut ministeriaqarfimmit ukiumut tapiissutitut aningaasaliunneqartartut peerneqartussanngorput.
- Piffissanngorpoq suliniutit pillugit ilisimasat inernerillu kommunini suliniutinut ilaalernissaat, nunami namminermi pissutsinut isumaginninnermullu ministeri, Karen Ellemann, Atuagagdliutinut oqarpoq.
Suliassatut pilersaarutit Kalaallit illuini Kofoed Skolemilu isumaginninnikkut suliniutit ataanniipput. Kalaallit illuinut aappaagu 3,1 millionit koruunit, Kofoed Skolemullu 3,6 millionit koruunit immikkoortinneqarput.
Aningaasat taakkua 2010-mi ikaarsaariarnermut assingusumik aaqqissuussinertut atorneqassapput, tamatumalu kingorna ilisimaneqanngilaq kommunit suliassatut pilersaarutinut taama amerlatigisunik aamma aningaasaliiumaarnersut.
Folketingimut ilaasortap, Juliane Henningsenip, Inuit Ataqatigiinneersup, suliassaq naalakkersuinikkut oqaluuseritinniarpaa. Tamanna § 20-mi apeqqutitut, imaluunniit Kalaallit Nunaat pillugu ataatsimiititaliaq aqqutigalugu, pissanersoq suli aalajanginngikkaa, Atuagagdliutini allaaserineqarpoq.
