Kalaallit Airportsip sanaartornermit akornusersuinissat pillugit paasinnittoqarnissaa neriuutigigaa

Nuummi mittarfiup sanaartorneranit akornusersuinerit avaqqunneqarsinnaanngitsut, Kalaallit Airportsip pisortaata oqaatigaa. Suliffeqarfiup akornusersuinerit annikillisarniarsarissagai pisortap neriorsuutigaa paasinnittoqarnissaalu neriuutigalugu.

Nuummi mittarfissap sanaartornissaa innuttaasunut sunniuteqartussaavoq. Taamaammat Kalaallit Airportsip VVM-imik nalunaarusiaq, sanaartuinerup avatangiisinut sunniutaanik nassuiaat allanngortinniarlugu aalajangerpaa.

Tamanna sanaartornermit nipiliortoqarnissaanik nassuiaammut ilaatigut tunngavoq.

Tamannalu pinaveersaartinniarsarinissaa ajornakusuussasoq, pisortaanerup, Steffen Ulrich-Lyngep tusagassiuutinut nalunaarummi allappaa.

AAMMA ATUARUK Ilulissani mittarfissamut VVM-imik nalunaarusiaq Naalakkersuisut akueraat

- Sanaartornermi sulianit akornusersuinerit millisarniarlugit aallussilluta sulivugut, kisianni ingalanneqarsinnaanngillat, suliniutit taama annertutigisut pineqartillugit, Kalaallit Airports nalunaarusiap tusarniaassutigineqaqqinneranut atatillugu allappoq.

Taamaammat VVM-imik nalunaarusiaq tusarniaassutigineqaqqippoq. Kalaallit Airportsilu Nuummi innuttaasunut piffissami tassani aamma ataatsimiititsiniarpoq.

AAMMA ATUARUK Kalaallit Airportsip suliariumannittussarsiuussineq januaarimi aallartissangatikkaa

- Neriuppunga, innuttaasut aamma suliffeqarfiit akornanni paasinnittoqarumaartoq, iluaqutinut Nuummi mittarfimmik nutaamik anguneqartussanut, sanaartornermi piffissami naammagittarnermik takutitsisinnaaneq pisariaqarmat, naammassilluni inernissaanut iluaqutaassussamik, Steffen Ulrich Lynge allappoq.

Ilulissani mittarfissamut VVM-imik nalunaarusiaq akuerineqareerpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat