Assi: KNR

Kalaallit Airports 1 milliard koruuninik sipaaruteqarsinnaasoq

Mittarfissualiassat pillugit Kim Kielsenip ataasinngornermi atsioqataaffigisaa, Kalaallit Nunaannut iluanaarutaassasoq, Kalaallit Airports taama isumaqarpoq. Mittarfissualiassat aningaasalersornerinut, danskit naalagaaffiata aningaasaliineratigut Kalaallit Airport 1 milliard koruuninik aningaasartuutinut sipaaruteqassaaq.

- Kalaallit Nunaannut neqeroorutigineqartoq danskit ministeriunerata Nuummi ataasinngornermi atsiugaa ajunngilluinnarpoq, Kalaallit Airportsimi aningaasaqarnermut pisortaq, Peter  A. Wistofft taama oqarpoq. 

- Ataatsimut katikkaanni aningaasalissutit taarsersorneranni 1 milliard koruuninik sipaarutaassaaq, taanna oqarpoq.

Taarsersuineq ukiunik 25-inik sivisussuseqassaaq.

 

AAMMA ATUARUK Danmarkip aningaasaliissuteqarneranut piumasaqaatit isumaqatigiinniutigileraat

 

Sipaaruteqarnissamut pissutaavoq, taarsigassarsiassat ikinneerarsuussammata taarsigassarsiarineqartullu erniakinnerujussuussamata, tamaalillunilu Kalaallit Airports aningaasarpassuarnik sipaaruteqassaaq.

Isumaqatigiissuteqarnikkut billitsit akikinnerulissasut

 - Aningaasat 700 milliuunit koruunit nammineq pigisassatut pissavagut, taakkualu erniaqartussaanngillat, sinnerilu 450 milliuunit koruunit marloriaataasa eriniaat nalinginnaasumik taarsigassarsitsisarfiit erniaritittagaannit appasinnerussapput,  tassa naatsorsuutigisatsinnit affaanit ikinnerussapput, Peter Wistoft oqarpoq.

 

AAMMA ATUARUK Løkke Nuummi Ilulissanilu mittarfinnik piginneqataarusuttoq

 

Tamannalu inuiaqatigiinnut atuisunullu pingaaruteqartorujussuussaaq.

- Tamatuma kingunerisussanngorpaa, ingerlatseqatigiiffimmut isertitassatut piumasarineqartut ikinnerulernissaat, ilaasunullu akitsuutit appartinneqarsinnaalissapput, tamannalu angalasut akikinnerusumik billetsisisinnaalernerannik kinguneqassaaq, tamakkiisumillu inuiaqatigiinnut sipaarutaassalluni, Peter A. Wistoft oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat