Kalaallit aamma happyupput
HAPPY in Greenland Youtubemi isiginnaarneqarsinnaanngorpoq.
Allattoq Jette Andersen, Simon Uldum
Amerikamiup nipilersortartup Pharell Williamsip erinarsuusiaata nunarsuarmi tusaamasaasup Happyp nunatsinnit videoliarineqarnissaanut Nuummiut peqataarusuttut poorskip sapaataani Nuuk Playgroundiliaqquneqarput.
Amerikamiup videoliaani pisortatigoortumi inuit assigiinngitsorpassuit qitittut erinarsuummullu qiimasumut nuannersumillu oqariartuuteqartumut erinarsoqataasut takuneqarsinnaapput.
Kingorna videomik taassuminnga ilaarsilluni immiussat nunarsuaq tamakkerlugu takussaalerput, nunani assigiinngitsuneersut nammineq immiussaat. Tamannalu aamma Nunatsinni maanna pivoq, videoliornissamillu Mads Pihl Visit Greenlandimeersoq aaqqissuisuuvoq.