Kalaallit 100-t missaanniittut akerliussutsimik takutitsipput

Atuagassiap Billedbladet-p akissarsiaritittagaa Oscar filmimut piviusulersaarummut ukioq manna pitsaanerpaatut nalilikkamut tunniummassuk, kalaallit hornorujut missaanniittut Københavnimi sutorniartarfiit nuimasut ilaata Hotel D’angleterre-p silataani akerliussutsimik takutitsipput. Sermitsiami taama allaaserinnittoqarpoq.
marsip 08-at 2008 13:18

Danmarks Radio-p aallakaatitaa ”Kalaallit Nunaannit qimarranneq” taama nersornaaserneqarmat kalaallit akerliussutsimik takutitsipput. ”Kalaallit Nunaannit qimarranneq” akissarsisinneqartussatut piukkunneqartunut tallimanut ilaasimavoq, akerliussutsimillu takutitsinissamut aaqqissuisoq, Sørine Gejl, isumaqarpoq, filmi piorsarsimassutsimut paasinninnermik amigaateqartoq uukapaatitsiniartuullunilu.

Filmimi piviusulersaarummi assit ilaasa uukapaatitsiniartuunerat DR-imi tusagassiortup, Poul-Erik Heilbuth-ip, ilumuunnginnerarpaa.

Filmiliortoq, Danmarks Radiomi tusagassiortoq, Poul-Erik Heilbuth, akissarsisinneqanngimmat akerliussutsimik takutitsisut assut nuannaarutigigunarpaat. Akissarsisinneqartorli tassaavoq filmi ”Stem på mig”, Mette Heide-p, Mette Hoffmann-ip aamma Weijun Chen-ip filmiliaat, tassa taakku Oscarimik inuusaliannapput, saniatigullu 100.000 koruuninnallutik.

’Stem på mig’ DR2-mi aallakaatinneqarnikuuvoq, imaraa kineserit 3.klasse-mi atuartut klassiminni pikkorinnersassarsiorlutik ilungersortut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq