Kalaallisut ordbogi nutaaq saqqummilersoq

Kalaallisut ordbogi nutaaq OQAASERSIUUT naqitertinneqareerluni saqqummilerpoq. Oqaatsit nutaat Oqaasiliortunit akuerisaasut taamaalillutik aamma OQAASERSIUUmmi takuneqarsinnaalissapput.
Allattoq Pipaluk Høegh
novembarip 26-at 2012 14:06

Ilinniusiorfiup ordbogi nutaaq OQAASERSIUUT naqitertippaa. Qangaanerusoq ORDBOGEN-imik atserlugu saqqummersinneqartarnikuuvoq, massakkulli nutaamik atserlugu tassa saqqummilerpoq. OQAASERSIUUT danskisuumit kalaallisuumut oqaatsinik ujarliutaavoq. 

- Oqaatsit nutaat Oqaasiliortunit akuerisaasut taamaalillutik aamma OQAASERSIUUT-mi takuneqarsinnaalerput,taama saqqummersitami suliarinneqataasut Oqaasilerfimmiit Carl Cristian Olsen aamma Ilinniusiorfimmit Abia Abelsen allapput.

Oqaatsit ujartugassat 36.000-it ordbogip imarai. OQAASERSIUUmmi  danskisuumit  kalaallisut oqaasertalersuinermi  oqaatsit kalaallit tamarmik atugassaat tunngavigineqarput.

OQAASERSIUUT Kirsten Gade Jonesimit professor Robert Petersenimillu aaqqissorneqarpoq, nutaanik ivertissuinermi Oqaasiliortunit Carl Chr. Olsen, Ilinniusiorfimmit Abia Abelsen Oqaasileriffimmillu Katti Frederiksen peqataapput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk