Kalaallisut oqalunnermut ilinniut nutaaq
Qallunaatut oqaasillit ajornannginerusumik kalaallisut oqalussinnaalernissaat anguniarlugu Oqaasileriffik Kultureqarnermut, Ilinniartitaanermut, Ilisimatusarnermut, Ilageeqarnermullu Naalakkersuisoqarfik suleqatigiillutik Oqarasuaatikkut oqalutsilluni oqaatsit nalinginnaasumik atorneqartartut ilitsersuutaannik taallugu saqqummersitsipput.
Allattoq Lotte Holm
marsip 16-at 2009 08:34
Ilitsersuutit qallunaatut oqaasilimmik kalaallisuinnaq oqaasilimmik oqarasuaatikkut oqaloqateqartillugu kalaallisut oqalulluni misiliisarnissamik periarfissiivoq.
Oqarasuaatikkut oqalulluni oqaatsit atorneqartartut nalinginnnaanerusut ilanngunneqarput.
Ilitsersuutit saniatigut oqaatsit qanoq taaneqartarnerinut ilitsersuutit oqaaserileriffiup nittartagaani aaneqarsinnaapput.
Ilitsersuut naqitanngorlugu Oqaasileriffimmut saaffiginnilluni piniarneqarsinnaasoq Oqaasileriffik nittartakkamini taamatut allappoq, nittartakkamilu tamanna pillugu allaaserisaq ima naggaserneqarpoq.
'Allamiut oqaasiinik ilikkaraangavit inuk nutaanngortarputit', slovakiamiut ussataat.
