Kalaallisut oqaatsivut ineriartupiloorput

Allattoq Mads Lynge
apriilip 03-at 2007 12:03

Kalaallisut oqaatsivut ineriartortuarput atugaaleraluttuinnarlutillu. Issittumi inuuniarnermi atukkat pillugit misissuinermi, SLiCA-mi, paasisat nutaat tamanna takutippaat.

Nunatsinni, Canadami, Alaskami Tjukotkamilu misissuisoqarpoq, nunatsinnilu inuit 92 procentii kalaallisut oqalussinnaasut paasineqarpoq.

Nunani misissuiffiusimasuni innuttaasut akornanni tamanna annertunerpaavoq.

Canadami, Alaskami, Tjukotkamilu inuusuttut nunap inoqqaavisa oqaasiinik atuinerat annikilliartorpoq, nunatsinnilu inuusuttut tamangajalluinnarmik kalaallisut oqalussinnaallutik.

Oqaatsitta napatinniarnissaat pissutigalugu utoqqaat inuusuttullu akornanni paaseqatigiittoqarmat oqaatsivut ineriartupiloorsimasut, Oqaasileriffimmi allaffeqarfimmi pisortaq Carl Christian Olsen oqarpoq:

- Inuusuttut oqaatsit atugaat paasissutissanik ilaqartarput, utoqqaallu oqaatsit qangarsuaanilli atugaat inuusuttut akueralugit namminneq tunuliaquttamittut atorsinnaavaat, Oqaasileriffimmi allaffeqarfimmi pisortaq Carl Christian Olsen oqarpoq.

Inuit Alaskap avannarpasinnerusortaaniittut 37 procentii nunap inoqqaavisa oqaasiinik atugaqartut SLiCA-mi misissuinerup aamma takutippaa.