Kalaallisut nipilersukkat aamma Europami
Nive Nielsen nalunaaquttap akunnerata aappaa avillugu erinarsorlunilu nipilersortassaaq, erinnat issittumeersut - minnerunngitsumillu Nunatsinnersut - appisimaartassavai, europamiut taamaalillutik kalaallit nipilersugaannik erinarsugaannillu tusarnaarsinnaalissallutik.
Aallakaatittaligassaq internetimut aamma ikineqartassaaq.
Aallakaatittaligassaminut kalaallisut nipilersukkkanik Nive Nielsen aamma ujartuivoq:
- Nive nipilersukkanik erinarsuutinillu Kalaallit Nunaanneersunik sapinngisamik amerlasuunik ujartuivoq: erinarsuutitoqqat, ileqqorsuutitoqqat, tivanermut tunngasut allallu, ujartorneruaali Kalaallit Nunaanni massakkut nuannarineqarnerusut.
Nipilersortartut immaqa suli tusaamaneqarpianngitsut assut tusarfigerusuppai, taakku nammineq pigisaminnik immaqa immiussaateqarput.
- Sunaagaluaruniluunniit ajunngilaq - tusarneruni naammappoq, Nive Nielsen oqarpoq.
Radiokkut aallakaatittaligassami nipilersortartut erinarsortartullu naatsumik aamma oqaloqatigineqartassapput, taakkununnga tunngasunik paasissutissanik aallakaatitaq aamma imaqartassalluni.