Kalaallisut atuakkiat tapiiffigineqarsinnaapput

2009-mut aningaasanut inatsimmi 1,2 millionit koruunit atuakkianik kalaallisuunik saqqummersitsinissanut tapiissutissatut atugassanngortinneqartut, Kulturimut Ilinniartitaanermullu Naalakkersuisoqarfiup ilisimatitsissutigaa.
Allattoq Elisa Isaksen
januaarip 06-at 2009 16:49

Atuakkiat meeqqanut, inuusuttunut, pisimasuusaartitat taallallu tapiissuteqarfigineqarsinnaapput. Aamma sulianut aalajangersimasunut atuakkiat, saqqummerseqqitat, saqqummersitallu allat tapiiffigineqarsinnaapput.

Atuakkanik saqqummersitsisarfiit kisimik tapiiffigineqarsinnaapput. Atuakkiat saqqummersitassat 2009-mi suliaralugit aallartitat kisimik tapiiffigineqarsinnaapput. Ukiormanna februaarip 15-at qinnuteqarnissamut killiliunneqarpoq.