Kalaallisut allagartaliisarnissaq siunnersuutigaa

Pisortaqarfinni tamani matup silataani allagartat minnerpaamik kalaallisut allassimanissaat, Siumut sinnerlugu inatsisartuni ilaasortap Doris Jakobsenip siunnersuutigaa.

Danskisut tamakkiisumik paasineq ajortut pitsaanerusumik sullinneqarnissaat anguniarlugu taama siunnersuuteqarnerarpoq:

- Kalaaleqarpoq ilaatigut danskisut tamakkiisumik paasinninneq ajortunik. Assersuutigalugu aajuna allagartaq fuldmægtig-innarmik allanneqarpoq, nutserneqarsimanngilaq, partii Siumut sinnerlugu inatsisartuni ilaasortaq Doris Jakobsen oqarpoq, nangillunilu:

- Nunatsinniikkatta aamma kinaassuseqaratta inuk kinaluunniit Namminersornerullutik Oqartusssanut isertoq Kalaallit Nunaanniilluni misigisimasaqariaqartoq isumaqarpunga, Doris Jakobsen oqarpoq.

Siunnersuut attaveqarnermut aatsitassanullu naalakkersuisumit Kim Kielsenimit tapersersorneqarpoq. Taanna aamma oqarpoq pisortaqarfinni allagartaliisarnerit minnerpaamik kalaallisut ingerlanneqartariaqartut.